• विजय सन्तोषी, धनकुटा। 

२०७२ पुस १६। पर्यटन प्रवद्धन गर्ने उदेश्यले आज देखी धनकुटाको भेडेटारमा भेडेटार होटल एशोसिएसनको आयोजनामा तिन दिने फुड फेष्टिवल शुरु भएको छ । उक्त भेडेटार फुड फेष्टिवलको उद्घाटन गर्दै भूमिसुधार तथा व्यवस्था मंत्री राम कुमार सुब्बाले पर्यटन प्रद्धवन गरी मुलुकलाई आर्थिक सम्वृद्धी बनाउनु पर्नेमा जोड दिनु भयो ।

भेडेटार फुड फेष्टिवलको उद्घाटन समारोहमा पूर्व वाणिज्य तथा आपूर्ति मंत्री सांसद सुनिल वहादुर थापा,सासंद कृष्ण कुमार राई,धरान उपमहानगर पालिकाका कार्यकारी अधिकृत टिका दत्त राई,धनकुटा उद्योग बाणिज्य संघका अध्यक्ष उमेश घिमिरे,पत्रकार महासंघ सुनसरीका अध्यक्ष केशव घिमिरे,पर्यटन विकास समिति धनकुटाका अध्यक्ष तथा नेपाल प्रेस युनियनका केन्द्रिय उपाध्यक्ष विजय सन्तोषी राई लगायतले पर्यटनलाई उद्योगको रुपमा विकास गरी सम्वृद्ध नया नेपाल निर्माण गर्नु पर्ने वताउनु भयो ।

भेडेटार फुड फेस्टिबल २०७२। तस्वीर: रोजन राई

भेडेटार फुड फेस्टिबल २०७२। तस्वीर: रोजन राई

धनकुटाको भेडेटार चौकमा तिन दिन सम्म संचालन हुने फुड फेष्टिवलमा विभिन्न जात जातिका खानेकुराका परिकाहरु, अरगानिक खेतीबाट उत्पादित तरकारी तथा फलफुलहरु,हस्तकला र घरेलु उद्योगहरुले उत्पादन गरेका विभिन्न सामाग्रीहरु ५० वटा स्टलहरुमा प्रदर्शनीका लागि राखिएको छ ।

भेडेटार फुड फेस्टिबल २०७२। तस्वीर: रोजन राई