प्रतिष्ठानद्धारा बुधबार आयोजित एक समारोहमा प्रधानमन्त्री के.पी. शर्मा ओलीले सुव्वालाई ५० हजार रुपैयाँ पुरस्कार राशी सहित सम्मान गर्नुभएको हो । सूचना तथा संचार प्रविधिहरुको समुचित एवं प्रभावकारी प्रयोग मार्फत नेपालमा बिज्ञान तथा प्रविधि सम्बन्धी सूचना सम्प्रेषण, लेख, रचना प्रकाशित गरी नेपाली समाजमा बैज्ञानिक सचेतना जगाउन योगदान पुर्‍याए बापत सुव्वालाई सम्मान गरिएको हो । 

फोटो: ट्विटरबाट

डा. सुव्वाले पुरस्कारबाट पाएको रकमबाट २५ हजार रुपैयाँ गत बैशाख १२ गते गएको बिनाशकारी भुकम्पबाट पीडित प्रहरी कर्मचारीको सन्ततीको उच्च शिक्षाका लागि नेपाल प्रहरीद्धारा स्थापित “प्रकोप पीडित प्रहरी सन्तति छात्रबृत्ति अक्षयकोष”लाई प्रदान गर्नुभएको छ । 

पुरस्कृत सुव्वाले भुकम्पका बेला सामाजिक संजाल मार्फत प्रहरी उद्धार, राहत लगायतका विषयमा प्रभावकारी रुपमा सूचना प्रवाह गर्ने कार्यमा महत्वपूर्ण भूमिका निर्वाह गर्नुभएको थियो । उहाँले संचार तथा सूचना विज्ञानमा बिधाबारिधी गर्नुभएको छ ।