२०७२ पुस ४ ।  शुक्रबारको मन्त्रिपरिषद् बैठकले  सशस्त्र प्रहरी बलको कार्यवाहक आइजीपीमा दुर्जकुमार राईलाई नियुक्त गरेको छ । भोजपुरको दुर्गम गाउँमा जन्मिएका राई पूर्वको दुर्गम क्षेत्रबाट पहिलो पटक प्रहरीको उच्च पदमा पुग्ने व्यक्ति बनेका छन् ।

कार्यावहाक आइजीपी राईको जन्म २०१८ साल मंसिर १ गते भोजपुरको अन्नपूर्ण गाविस ८ मा भएको हो ।  प्रहरी निरिक्षकको रुपमा २०४३ सालमा प्रहरी सेवामा प्रवेश गरेका राईले त्रिभुवन विश्वविद्यालयको मानविकी संकायबाट स्नाकोत्तर तहसम्मको अध्ययन गरेका छन्  ।

राई २०५८ सालमा नेपाल प्रहरीबट सशस्त्र प्रहरीमा स्तान्तरण भएका हुन् । विभिन्न जिल्ला प्रहरी कार्यालयमा प्रमुखको रुपमा काम गरेका राईले सशस्त्र प्रहरी गणहरुमा गणपतिको रुपमा समेत कार्य सम्पादन गरे ।

राईले उपत्यका भित्र समेत विभिन्न प्रहरी इकाईमा कार्यालय प्रमुखको जिम्मेवारी उत्कृष्ट ढंगले पुरा गरे । नेपाल प्रहरी र सशस्त्र प्रहरीका विभिन्न तालिम केन्द्रहरुमा प्रमुखको रुपमा समेत कार्य सम्पादन गरेका राईले प्रहरीमा उत्कृष्ट सेवा गरेबापत गोर्खा दक्षिणबाहु, संयुक्त राष्ट्रसंघ पदक, विदेशी सेवा पदक, राष्ट्रिय दैवी प्रकोप उद्धार पदक, दुर्गम सेवा पदक लगायत विभिन्न पदक पाएका छन् ।

स्वदेश तथा विदेशमा सेवा गरेका राईले कम्बोडिया, हाइटी सँगै संयुक्त राष्ट्र संघ अन्तगत डार्फरमा समेत काम गरे । राई विभिन्न समयमा उच्च प्रतिनिधि मण्डलमा रहेर सशस्त्र प्रहरी बलको प्रतिनिधि समेत गरेका छन् । प्रहरी अनुशासनलाई कडाइपूर्वक लागु गर्नुपर्छ भन्ने राई आफू समेत अनुशासित प्रहरी अधिकारीको रुपमा चिनिन्छन् । पाएको जिम्मेवारी पूरा नगर्दासम्म मिहिनतका साथ लाग्ने राई प्रहरी सेवामा प्रवेश गरेदेखि नै उत्कृष्ट काम गर्ने प्रहरी अधिकारीका रुपमा चिनिदै आएका हुन् ।

खेलकुदमा अब्बल

राई प्रहरी जिम्मेवारीमा जति जिम्मेवार छन् खेलकुदमा समेत उत्तिकै अब्बल छन् । उनले पाकिस्तान, साउदी अबर, कुवेत, भारत, वेष्ट जर्मनी, चीन, जापान लगायतका देशमा पुगेर भलिबल खेलेका छन् । राई एथलेटिक्सका समेत चर्चित खेलाडी हुन् । राईले एथलेटिक्समा गोल्ड मेडल  पटकपटक जितेका छन् । सँगै राई टेनिसका समेत चर्चित खेलाडी हुन् । उनले टेनिसमा समेत गोल्ड मेडल उपाधी पाएका छन् ।

स्वदेशमा प्रहरी सेवा अनुभव

विदेशी सेवा अनुभव

राईले पाएका मानपदवी

स्वदेशमा राईले लिएको तालिम

विदेशमा राईले लिएको तालिम