२०७२ भदौ ३० । भारतको नयाँदिल्लीस्थित साउदी दूतावासका कर्मचारीद्वारा बन्धक बनाएर बलात्कार गरिएका नेपाली महिलालाई आफ्नै बुहारीले बिक्री गरेको खुलासा भएको छ ।

प्रहरीले मंगलबार एक लाखमा बिक्री गर्ने कल्पना परियारलाई पक्राउ गरेको छ । परियार बलात्कारमा परेकी एक ५० वषिर्या महिलाकी आफ्नै बुहारी हुन् ।

साउदी अरबमा आकर्षक तलबमा हाउसमेडको जागिर लगाइदिने भन्दै परियारले आफ्नै सासुआमा र अर्की एक महिलालाई साउदी दूतावासका कर्मचारीलाई बिक्री गरेकी थिइन् ।