निस्वार्थी तिमी (कविता)

छङछङ गर्ने छहरा झैं तिमी
शान्तिको गीत सुनाउनु
सगरमाथाको चुचुरा झैं तिमी
स्वाभिमानी शिर नझुकाउनु
कहिलेकाही हासिदेउ पनि तिमी
आँशुमै नडुब सधैँ सधैँ
सत्य नै साथी मान्नु तिमी
अन्धबिश्वासमा नडुब सधैँ सधैं
चहराईरहेको घाउलाई अझ नदुखाई तिमी
बरु पीडा कम गराउने बोलीले बोल
मनभित्र गुम्सिएका पीडाहरुलाई तिमी
सबैको सामुन्ने सुस्तरीखोल
अरुको मन कहिल्यै नदुखाउ तिमी
बरु रोइरहेको आत्मालाई सान्त्वना देउ
आफनो स्वार्थलाई पर पन्छाएर तिमी
अरुको भलाईको लागि ज्यान समेत खुसीसाथ देउ ।।