अक्नि अक्नि फामुयाङ्सो केना युङ्ङिने (हातेमालो गर्दै बसौं) (पुमा भाषाको गीत)

• गणेश पुमा चिन्तन 

हात्नि पुङ्ङा ओह्यात्नि बेन्ङा चाआङ् ठक्कर
ङ्दुङ् चोओङ् पुक्दुङ् चिलुङ् चासो हन्डर ।
जत्ति बल पाक्किनिछे केना हत्निओ
हेन्ना ङाना नम्मा चिमा रङ्निन् योङ्निचो ।।

एन्हाक्नुङ्वा लोन्दाकिना थोङ्मा युन्पा चिमाआ
हत्नि सारो दुखा खाइत् अक्ता खोरिआ ।
दुखा सुखा मुमाङेदोत् मन्ना हङ्मालाइ
हत्नि चिमा तोक्कुम्याम्कु जन्म लिस्निन्केइ ।।

वारङ् वारङ् पुङ्ङे ओन्दे एन्दुम् तुप्याङ्सो
मेन्तोङ् मेन्तोङ् पयुङमिन्ने खालि योङ्निचो ।
देम्खातालो युङ्ङिओन्दे मेन्तोङ् मेन्तोङ् के
अक्नि अक्नि फामुयाङ्सो केना युङ्ङिने ।।

रचनाकाल: २०५४ असार १७ गते