नेपालीपन बेच्दिन (गजल)

• किशोर पुमा राई 'संकल्प भावुक'

चोट मात्र देख्छु सँधै हतियारलाई देख्दिन
खुसी देख्छु सानो संसार ठूलोलाई देख्दिन ।

चलाउछु कलम सँधै मजदुरको पक्षमा
शोसक र सामन्तीको पक्षमा लेख लेख्दिन ।

धेरै भए ठगिखाने कति लेख्नु कथा
लेख्दा लेख्दै थकाइ लागे बिसाउछु एकछिन ।

बाध्यताले प्रदेशमा रहरले होइन
श्रम मात्र बेच्छु म नेपालीपन बेच्दिन ।

दिप्लुङ–४, पुमा चोक, खोटाङ
हाल, मलेसिया ।