मरेछु भने दुखिया मलाई सम्झेर नरुनु (गीत)

गणेश पुमा राई चिन्तन  
रचनाकाल: २०५३ माघ १३ गते  

ती आँखाबाट दुईथोपा आँसु नखसाई दिनु है
जब म लामो यात्रा लिएर जादैछु परदेश है ।
आँसुुका थोपा झरेर नदी भएर बग्दछन्
अबिरल चाल्ने पाईला मेरो आएर छेक्दछन् ।।

चन्द्रमा जस्तो त्यो तिम्रो मुहार राख्नेछु मुटुमा
राईफलको गोली जस्तो त्यो बोली छाप्नेछु मुटुमा ।
शत्रुको तातो गोलीले साँचे आउनेछु फर्केर
जन्मेको भुमि हुर्केको गाउँ र तिमीलाई सम्झेर ।।

मरेछु भने दुखिया मलाई सम्झेर नरुनु
दुईआँखाबाट झारेर आसु परेली नधुनु ।
जिउदोमा मेरो जीबनसाथी राईफल हुनेछ
मरण पछि यो लासमथि माटो नै हुनेछ ।।

भारतीय सेना गोर्खा रेजिमेन्ट फाइल फोटो