साउन ४, प्रहरी सहायक निरीक्षक (असई) मा भर्ना खुलेको छ । खुल्ला तर्फ २ सय ४०, आदिवासी जनजाति तर्फ ६६, मधेशी तर्फ ५७, महिला तर्फ ४०, दलित तर्फ ३०, पिछडिएका क्षेत्र तर्फ ११ र अमर प्रहरी र अशक्त प्रहरी परिवारका लागि नौ सिट गरी जम्मा ४ सय ५३ सिटमा नेपाल प्रहरीले भर्ना आह्वान गरेको छ ।

त्रिभुवन विश्वविद्यालय वा मान्यता प्राप्त शिक्षण संस्थाबाट प्रवीणता प्रमाणपत्र तह वा सो सरहको योग्यता भएको साथै १८ वर्ष पुरा भई २४ वर्ष ननाघेको व्यक्तिले दरखास्त दिन सक्ने नेपाल प्रहरीले जनाएको छ ।

 २०७१ साउन ५ गतेदेखि भदौ ४ गतेसम्म क्षेत्रीय र अञ्चल प्रहरी कार्यालयमा फाराम लिएर बुझाउन सकिने नेपाल प्रहरीले जनाएको छ । काठमाडौमा महानगरीय प्रहरी आयुक्तको कार्यालय रानीपोखरीबाट दरखास्त फाराम लिन सकिनेछ । साथै दरखास्त फारम नेपाल प्रहरीको वेवसाइट www.nepalpolice.gov.np बाट पनि डाउनलोड गर्न सकिनेछ ।

सभ्यताकाे सुरुवातमा अाफ्नो सन्तान कर्मघरमा गएर पनि जीवनयापनकाे लागि सहज होस् भनी अर्थिक तथा भौतिक सहायता दिने चलनलाई नै दाइजो भनियो । पछि अाएर  यसकाे मूल्य र मान्यतालाई पन्छाउदै यसमा विकृति थपिदै थपिदै अाज समाजकाे अभिषाप बन्न पुगेकाे छ दाइजो वा दहेज । अब हरेक व्यक्तिले धन सहितकाे श्रीमती होइन शिक्षा सहितकाे श्रीमती भित्राउने संकल्प गरौं । अाफूबाट समाज परिवर्तनकाे थालनी गरौं, त्यसपछिकाे समाज पक्कै पनि यस श्रव्यदृश्यमा देखिएकाे जस्तो कुनै पनि महिलाले अाफू र अाफ्ना सन्तान दाइजो नल्याएकाे या दाइजो कम ल्याएकाे निहुँमा हिंसाकाे शिकार बन्नु पर्ने छैन । हेर्नुहाेस् भिडियाे, जो रोइरहेकी छिन् उनी तपाई अाफू या अाफ्नो सन्तान हो भनी कल्पना गरेर एकाग्र बन्नुहाेस्, तपाईकाे मुटु छिया छिया बन्नेछ ।